İstər sevgili olsunlar, istər nişanlı olsunlar, istərsə də evli olsunlar, cütlüklər bir-birləri haqqında hər şeyi bilmirlər. Amma istəyərlərmi?
Xeyr.
Hussain’in Journal of Social and Personal Relationships jurnalında dərc olunmuş məqaləyə görə, insanlar partnyirları ilə bağlı müəyyən növ məlumatlardan qaçmaq istəyirlər. Müəlliflərin iki araşdırmasının xülasəsi aşağıda verilmişdir.
Nümunə: 142 nəfər yetkin şəxs; orta yaş 27 yaş (18-68 yaş arası); 105 qadın; 70% romantik münasibətdədir.
İştirakçılardan bilməməyi üstün tutduqları hər hansı məlumatın (romantik partnyoru ilə bağlı) olub-olmaması soruşuldu; və əgər belədirsə, ən az bilmək istədikləri məlumat soruşuldu. Hazırda münasibətdə olmayanlara suallara cavab verərkən keçmiş əlaqələrə istinad etmələri tapşırılmışdır.
Tədqiq olunanların təxminən 35%-i (115 respondentdən 40-ı) birinci suala bəli cavabını verib. İştirakçıların qaçmaq istədikləri məlumat növünə gəlincə, onların cavabları kodlaşdırıldı və üç kateqoriya müəyyən edildi: münasibətlərdə baş verən problemlər, cinsi düşüncələr,davranışlar və digər məsələlər. Bu üç kateqoriyanın təsviri aşağıda verilmişdir.
Cinsi düşüncələr və davranışlar: Burada cinsi xəyanət (keçmiş işlər), emosional xəyanət (şəxsin aldatdığı biri ilə əlaqə saxlamaq) və cinsi istək (xəyanətdən başqa hər kəsə qarşı cinsi cazibə) daxil olmaqla bir neçə alt kateqoriya müəyyən edilmişdir. Qalan alt kateqoriyalar seksuallıq (partnyordan fərqli cinsə maraq göstərmə), cinsi tarix (əvvəlki partnyorlarla cinsi əlaqənin dərəcəsi və ya keçmiş partnyorların sayı) və digər cinsi davranış və düşüncələrdən (fantaziyalar, masturbasiya) ibarət idi.
Münasibətdə baş verən problemlər: Bu kateqoriyaya digər münasibətlər (partnyor hələ də keçmişi haqqında düşünür), mənfi qavrayışlar (partnyorlar bir-birini necə qiymətləndirir) və digər münasibət problemləri (məsələn, hamiləlik) daxildir.
Digər məsələlər: Yuxarıdakı kateqoriyalara aid olmayan məsələlər.
Beləliklə, romantik münasibətlərdə olan insanlar keçmiş münasibətlərdən daha çox indiki haqqında öyrənməyə açıq idilər. Niyə? Ola bilsin ki, onlar köhnə münasibətləri yenidən nəzərdən keçirmək və ya uyğun partnyorlar seçmək qabiliyyəti ilə bağlı yeni şübhələr yaşamaq istəmirlər.
İnsanların ən çox qaçmaq istədikləri məlumatlar ya partnyorun qərəzləri ilə bağlı idi, ya da cinsi xarakter daşıyırdı (məsələn, həyat yoldaşının cinsi düşüncələri, cinsi keçmişi və xəyanəti), çünki, bu tip məlumatlar ciddi münaqişə və hətta bir münasibətin pozulmasına gətirib çıxara bilərdi.
Məlumatların təhlili yaşlı insanlarda məlumatdan qaçmaq istəyinin daha çox olduğunu göstərdi. Niyə? Ola bilsin ki, onlar indiki romantik münasibətlərinə daha çox sadiqdirlər və ya daha az romantik seçimlərə malikdirlər, buna görə də mövcud münasibətlərini təhdid edə biləcək hər hansı məlumatdan qaçmağa üstünlük verirlər.
