Proqramın əsas məqsədi, xüsusi qayğıya ehtiyacı olan uşaqlarla çalışan mütəxəssislərə (psixoloqlar, psixiatrlar, təhsildə sosial-psixoloji xidmət əməkdaşları, loqopedlər, defektoloqlar və s.) bu uşaqların psixologiyasını və onlarla işin əsas metodlarını öyrətməkdir. Təhsilin vəzifələri aşağıdakı istiqamətləri əhatə edir:

• Xüsusi psixologiya üzrə biliklərin mənimsənilməsi: İştirakçılar, xüsusi qayğıya ehtiyacı olan uşaqların psixoloji xüsusiyyətlərini və bu uşaqlarla iş aparmaq üçün əsas tədqiqat metodlarını öyrənəcəklər.

• Neyroinkişaf pozuntuları: Neyroinkişaf pozuntusu olan uşaqların psixoloji xüsusiyyətləri izah ediləcək və onların korreksiyası üzrə əsas metodlar tətbiq olunacaq.

• Eşitmə və görmə pozuntuları: Eşitmə və görmə funksiyası pozulmuş uşaqların psixodiaqnostikası və onlarla aparılacaq psixoloji işlər haqqında biliklər iştirakçılara aşılanacaq.

• Psixoloji yardım qanunu: İştirakçılar psixoloji yardım haqqında qanunla tanış ediləcək və bu qanunun müddəaları ətraflı şəkildə izah olunacaq.

• Diaqnostik metodlar: Beynəlxalq standartlara uyğun diaqnostika metodları mütəxəssislərə öyrədiləcək və bu sahədə bacarıqlar inkişaf etdiriləcək.

• Psixoloji xidmətin təşkili: Xüsusi qayğıya ehtiyacı olan uşaqların ailələrində və onların yerləşdiyi müəssisələrdə psixoloji xidmət işlərinin necə təşkil olunacağı öyrədiləcək.